А.Газаев, Р.Мусукаев, О.Сокурова - Кёгала
текст песни

музыка Маджита Ногайлиева
стихи Азамата Суюнчева

- Кёкле тюбюнде, кёкбаш юйледе
Жашайды ариу Кёгала.
Экибиз бирге кюйюп барабыз,
Кёгала, санга тарала.

- Кёкле тюбюнде, кёкбаш юйледе
Мен а къайгъысыз жашайым.
Тойгъа оюнга къошулмай эдим,
Мен сюймекликден ташайып.

- Жарыкъ жулдузча сени сюйюмюнг
Къууат салады шахаргъа.
Ышаргъанчыгъынг, ала кёзлеринг
Къоймайла бизни жашаргъа.

Бизни тийреге сиз тойгъа келип,
Юйде олутуруп кетигиз,
Бирден кёзюме къарап, ышарып,
Мени тынчлыкъсыз этдигиз.

- Субай санынга ариу жарашхан
Сен кёкбетли чепкен кийесе.
Экеулен болуп сени сюебиз,
Сен къайсыбызны сюесе?

- Экигизге да бир сёзюм жокъду
Жашла сиз ахшы, аламат,
Халал тенглени шохлугъун бузсам,
Не айтыр манга жамауат?

- Экибиз бирге аллынга келдик,
Бир-бирибизден уяла,
Халал тенглени харам этме да
Бирин сайлачы, Кёгала.

- Экигизни мен айырмайым,
Бирча багъалы кёреме.
Айып этмегиз, тюзюн айтайым,
Мен башха жашны сюеме.