Омар Отаров - Джаш бла къызны сагъышлары
текст песни

Муз. и сл. народные.

Къыз:
Кёк кёлек джаш мени тилейд, ой,
Мен барсам, ол аллыкъма, дейд, ой.
Билмейме къалай этерге,
Кёк кёлек джашха не дерге.
Артда сокъранырмамы, ой?

Джаш:
Ол къызны алсам джарармы, ой?
Ашхы къатын болалырмы, ой?
Аны ауузу от чакъмазмы,
Юйден берекет къачмазмы -
Мен аны къайдан билейим, ой.

Къыз:
Болурму джанында ачха, ой?
Ала болурму арт борчха, ой?
Ол кеси да не арыкъды,
Ол не затха джарарыкъды.
Мени да арыкъ этерми, ой?

Джаш:
Болса да ол кеси ариу, ой,
Ичи уа болурму ауруу, ой?
Ол атамы джарсатырмы,
Анамы уа джылатырмы,
Мен аны къайдан билейим ой.

Къыз:
Бир къарыусуз зат болурму, ой,
Бир атлам эте, солурму?
Тойдан башха зат билмеген,
Кече юйюне келмеген,
Бир ичкичи зат болурму, ой?

Джаш:
Ауузу къамача кесмезми, ой?
Сёзю темирни тешмезми, ой?
Къара джинлери болмазмы,
Юйюм къайгъыдан толмазмы -
Аны мен къайдан билейим, ой?

Къыз:
Ким биледи, суугъа барсам, ой,
Шауданларындан суу алсам, ой.
Челеклери уллу болуб.
Ичлери да суудан толуб,
Тёден кетиб ёлюрмеми,ой?

Джаш:
Юйюме къан джаудурурму, ой?
Тогъуз сыртдан аудурурму, ой?
Башыма ауруу алмайым,
Къара палахха къалмайым -
Мени аны кимден билейим, ой?

Къыз:
Манга не кёзден къарарла, ой?
Къаллай адамгъа санарла, ой?
Къылыкъларымы джаратмай,
Отха, суугъа да къаратмай,
Мени тюйюб къыстарламы, ой?..