Омар Отаров - Жукъла жаным
текст песни

Сени бетинге тегюле турады
Жарыкъ нюрю.. толгъан айны
Тауладан келген салкъын аязчыкъ
Чачынгы сабыр сылайды...

Кече салкъынды, тегерек шошду
Сен къайгъы этме бир жукъгъа
Мен да сакълайма сени жукъунгу
Жукъла жаным, татлы жукъла...

Мен кекде баргъан акъ булутланы
Санга келечи этерем
Къуш къанатларым болсала
Сени... таулагъа алып кетерем...

Мен алтын кюнню нюр таякъларын
Сени чачынга эшерем
Чолпан жулдузну орнундан алып
Бойнунга минчакъ этерем...

Тауладан келген таза хауаны
Сени солуунг сунама
Къая ташлагъа атынгы жазып
Тансыкълап къарап турама

Кече жарыкъды, тегерек шошду
Сен къайгъы этме бир жукъгъа
Мен да сакълайма сени жукъунгу
Жукъла жаным, татлы жукъла...

жукъла жаным...
татлы жукъла...