Eshnight - Киев ве келин
текст песни

Çoq yıllar keçecek, unutmazsız
Bu aydın, acayıp aqşamnı.
Doğmuşlar em dostlar quvanalar,
Hayırlaylar bugün sizlerni.

Tebessüm, çeçekler, oyunlar pek
Yaraşa şeñ nikâh aqşamğa.
Göñülden aytılğan isteklernen
Baht tileymiz bugün yaşlarğa.

Endiden qoranta olacaqsız,
Beraber bir yolda ekiñiz,
Muabbet-sevgini saqlaycaqsız,
Baht ile nurlansın ömrüñiz.

Açacaq güllerge siz oşaysız,
Közlerde eñ güzel ümütler.
Qalplerni bir etip siz bağlaysız,
Sevgini paylaşıp beraber.

Biz kelin-kiyevge tileycekmiz
Balalı-çağalı olmaqnı.
Ev tolsun evlâtlar seslerinen,
Em saysınlar-sevsinler sizni.

Siz bugün em oynay, em külesiz,
Siz içün çalına nağmeler.
Em öyle bir nazik körünesiz,
El-elge bu künden beraber.