Volski - Героі не паміраюць
текст песни

1. Яны застануцца навечна,
Не знікнуць у зеўры нябыту,
Не згаснуць апошнім праменнем,
Не сыйдуць ў змрочны туман.
Яны назаўжды будуць з намі
І ў радасці, і ў нядолі,
І ў подыху ветру пачуем
Мы іхнія галасы.

ПРЫПЕЎ:
Героі не паміраюць!
Яны нас не пакідаюць
У свеце слаты ды імжы.
Героі не паміраюць!
Яны ў душы нам зазіраюць
І ў душах працягваюць жыць.

2. Мы іхнія словы пачуем
У гуку вясновых грымотаў,
У пошчаках ранішніх птушак
У шуме срабрыстых дажджоў
Мы іхнія твары ўбачым
У крохкіх абрысах аблокаў
І, прагна глынуўшы паветра,
Пакрочым па іхніх шляхах...

ПРЫПЕЎ

Героі не паміраюць!
Яны давяраюць і раяць.
І нас вядуць, нібы зоркі,
Вядуць вышэй і далей...

ПРЫПЕЎ