Абдуллах Борлаков - Кёчгюнчюлюкню джыры
текст песни

Азияда окъуб билим алалмай,
Комендатсыз башха элге баралмай,
Сюймекликни сынаб, тезюб джашаугъа,
Кёчкюнчю деб саналмайын адамгъа.

Къарт къарыусуз атала бла анала,
Къум тюзледен эллерине тарала,
Балалауа ачдан тоймай къычыра,
Джата эдиле бешикледе, джан ала.

Мен бу джырны джырлайма алагъа,
Эрге чыкъмай, ёлген таулу къызлагъа,
Джаныбыздан сюйген мийик таулагъа,
Бизни Казимнге салыннган сын ташха.

Къазауатдан къайтхан таулу джашла уа,
Эллеринде киши табмай къыйнала,
Юйюрлерин къайда табаргъа билмей,
Элден элге айлана эдиле излей.

Не этгендиле къырал ючюн ёлгенле,
Къазауатдан къолсуз бутсуз келгенле,
Деб, джаза эди бизни Къайсын къыйнала,
Назмуларын чыгъаралмай басмагъа.

Мен бу джырны джырлайма алагъа,
Урушда ёлген таулу джашлагъа,
Джаныгъыздан сюйген мийик таулагъа,
Кёчкюнчюлюк сынагъан адамлагъа.

Ахырында мен айтырым келеди,
Кечкюнчюлюкню билирге керекди,
Унутмайыкъ миллетибиз кергенни.
Унутмайыкъ Азияны тюзлерин.

Унутмайыкъ ачлыкъдан ёлгенлени,
Унутмайыкъ къыйынлыкъны бергенни.
Берия бла Сталин этген хатаны,
Унутмайыкъ джетинчи ноябырны.

Мен бу джырны джырладым алагъа,
Чечен миллетге эм ингушлулагъа,
Малкъар миллетге, Къарачай халкъыма,
Кеб ёмюрлени джашасныла ала.
Малкъар миллетге, Къарачай халкъыма,
Энди кёчкюнчюлюк сынамасынла.