Ауес Зеушев - Адыгагъэ
текст песни

«Сыт зищIысыр адыгагъэр?» -
ЖаIэу къохъур щыщIэупщIэ.
УпщIэр щIэщхъукъым, ящIэм дэгъуэщ,
ФыкъедаIуэ, нывжесIэнщ, уей.
ФыкъедаIуэ, нывжесIэнщ, уей.

Ежьу:
Адыгагъэр – ар дахагъэщ,
Адыгагъэр – ар къабзагъэщ,
Адыгагъэр – ар пэжыгъэщ, уей,
Губзыгъагъэщ, щэныфIагъэщ, уей.
Адыгагъэр – дахагъэщ,
Адыгагъэр – къабзагъэщ,
Адыгагъэр – пэжыгъэщ, уей.

ЦIыхум цIыхур зэхищIыкIым,
ЩыгуфIыкIыу игъэгушхуэм,
Игъэпэжым, игъэлъапIэм -
Псоми дощIэр – ар цIыхугъэщ, уей.
Нэгъэсауэ адыгагъэщ, уей.

Ежьу
Адыгагъэр ди адыгэм
Къыдалъхуауэ къыдокIуэкIыр.
Адыгэпсэм ар и фащэщ,
Адыгэбзэм ар и щэнщ, уей,
Адыгагъэм ар и хьэлщ, уей.

Ежьу
НэхъыжьыфIхэу дади, нани,
Гуащи, щауи, пщащэ цIыкIуи,
Псори, псори зыгъэдахэр,
ЗыгъэбжьыфIэр адыгагъэрщ, уей,
Адыгагъэм и пэжыгъэщ, уей.

Ежьу
Ди гуфIэгъуэр къэзыIэтыр,
Ди гугъуехьыр зыгъэпсынщIэр,
Ныбжьэгъугъэр къуэшыныгъэм
ТекIуэжауэ зыгъэбыдэр, уей,
Адыгагъэм и дахагъэрщ, уей.