ансамбль Салям - Эх малодца
текст песни

Урманнардан чыгар әле, ай-гай, түше чуар,
Кара урманнарның бөркете;
Текер-текер бүдәнә ул, Гөмбәйләрдән килә лә;
Эх, малодца!
Берләр үпсәң кинәнә ул, таг[ы] да үп, дип инәлә.
Тапкыйларда менсә(й) әле, атларны уйната,
Гөмбәйләрнең уңган на җегете.
Ак куянның, эй, баласын җибәр кырга, уйнасын;
Эх, малодца!
Бер уйнасын, ик[е] уйнасын – гаепләштән булмасын.

Сезнең чәчкәйләрегез дә, әйләрем, казачий,
Шомарадыр майлаб ук тарасаң;
Текер-текер бүдәнә ул, Гөмбәйләрдән килә лә;
Эх, малодца!
Берләр үпсәң кинәнә ул, таг[ы] да үп, дип инәлә.
Минем хәлләремне(й) әле, ай-гай, китәрәсең,
Күзләреңне сирпеб үк карасаң.
Ак куянның, ай, баласын җибәр кырга – уйнасын;
Эх, малодца!
Бер уйнасын, ик[е] уйнасын – гаепләштән булмасын.

Карлыгачлар килер әле, ай-гай, ай, кар киткәч,
Сандугачлар килер лә җир кипкәч;
Текер-текер бүдәнә ул, Гөмбәйләрдән килә лә;
Эх, малодца!
Берләр үпсәң кинәнә ул, таг[ы] да үп, дип инәлә.
Карлыгачтан карай әле, ай-гай, ай, күзеңнән
Күз яшьләре килер лә, без киткәч.
Ак куянның, ай, баласын җибәр кырга – уйнасын;
Эх, малодца!
Бер уйнасын, ик[е] уйнасын – гаепләштән булмасын.

Җилбердәп лә искән әле, ай-гай, ай, җил белән,
Киләдер лә аккошның тавышы;
Текер-текер бүдәнә, Гөмбәйләрдән килә лә;
Эх, малодца!
Берләр үпсәң кинәнә ул, таг[ы] да үп, дип инәлә.
Иртә генә торсам әле, ай-гай, ай, кич ятсам,
Барсы да шул заныйның сагышы.
Ак куянның, ай, баласын җибәр кырга – уйнасын;
Эх, малодца!
Бер уйнасын, ик[е] уйнасын – гаепләштән булмасын.