Касбот Тамбиев - Анама
текст песни

Музыка Альберта Узденова, стихи Умара Ижаева.

Сагъыш этиб къарасанг
Сен анангы бетине,
Бек кёб затны кёрлюксе
Ол огъурлу тюрсюнде.

Тюшсюн сени эсинге
Кёб джукъусуз кечеле,
Салыб башын бешикге
Атдырыучу эртденле.

Эсингдемид анангы
Сенге джырна чачханы,
Биринчи атлам этгенд деб,
Атанга сююмчю айтханы.

Иги къарасанг ананга,
Сен кёрлюксе башында -
Къалмагъанды къара тюк,
Джашды деб сен айтыргъа.

Тили болса хар тюкню,
Айтыр элле хапарла,
Къачан, къайда чыкъгъанын,
Ала бизге къайгъыра.

Рият болсун ол джанга,
Къыйынын унутханга,
Къаршчы болуб анагъа,
Келин джаллы болгъанга!

Хар бир тюкге башында -
Сый берейик биз анга.
Бизни джашау джолубуз
"Джазылады алайда".

Къасмы тюкге тынгылайыкъ
Биз ананы башында?!
Амал бар эсе, балала -
Къыйнамайыкъ джашауда.