Малик Байрамуков - Къачхы кечени макъамлары
текст песни

Музыка и стихи Альберта Узденова.

Къарангы орнунда тебчилдейди,
Джел этед оджакъны сыбызгъы,
Макъамы къулакъны джесирлейди,
Тыйгъычсыз кючюне къызыныб.

Ангымы тартаргъа тюзелле
Джашлыкъны мукъладис джыллары.
Согъаргъа излесем, юзюлелле
Джазыуну тотусуннган къыллары.

Къарамы, къаманы ауузуча,
Тиними толтурад табладан,
Джукъласам да, аны ауазыча
Бир ауаз тёгюлед тауладан.

Заманнга кесими хорлатханма,
Таныгъан - бетимде да окъур,
Сюйюмлю сыфатны унутханма...
Джарыкъны унутамыд сокъур?

Къарангы къартлыкъдан агъарады,
Джел ауузун айырад оджакъдан,
Бир мурат джарыкъгъа чакъырады,
Джюрекни толтуруб джомакъдан.