Надежда Васканова - Волжск вел калык муро
текст песни

Волжск вел калык муро - Надежда Васканова.

Шарача коремеш лудигем йомын,
Изи пием кычалеш - кычал ок му.
Шарача уремеш йолташем йомын,
Изи чонем кычалеш - кычал ок му.

Тура курык ваштареш йӱр йӱрын да тазылген,
Шем алашан таганже уке -
кӱзен ок керт.
Эх, йолташем, пелашем, йӧратыме йолташем,
Йӧратен иленам да монден ом керт.

Ида ойло, ида ман, ида миен каласе,
Садыштыже олмапужо уло манын.
Ида ойло, ида ман, ида миен каласе,
Ялыштыже йолташыже уло манын.

Миенат шуктеныт, каласенат шуктеныт,
Садыштыже олмапужо уло манын.
Миенат шуктеныт, каласенат шуктеныт,
Ялыштыже йолташыже уло манын.

Эх, сур куку, сур куку, да
Тыланет пыжашым кӧ оптен?
Тыланет пыжашым кӧ оптен да
Мыланем сайжым кӧ шонен?