Олег Атаманов - У майго народа
текст песни

У майго Народа болю – на стагоддзі
У майго Народа гора – на вякі
А чаму ж крынічкай Шчасьце не лагодзе
А гаркочуць беды на дубах крукі?!
І сьмяротным жахам студзіць кроў чарнобыль
І зьвіняць на шыі ланцугі раба
Ці на Белай Русі мала ёсьць аздобы
Каб Духоўнай Сіле пра няшчасье дбаць?
Ці на Белай Русі не буслы лятаюць
А ля Белай Вежы не гудуць Зубры?
У Нашчадкаў Бога ў Беларускім Краі
На цымбалах граюць вольныя вятры
Не сьляпыя крушні выглядаюць зораў
А Жывыя Сэрцы мілуюць Зару
У майго Народа Сьветлых Думак многа
Іх зьбірае Божа у Харом-Гару
На Гары – Званніца голасам галосіць
І за Хваляй – Хваля па Зямлі бяжыць
Мой Народ гавора ўсім іудам: досыць
Мы па-чалавечы маем сёньня жыць!
Я па-чалавечы маю сёньня жыць!
Сьвятлом Ясным Доля ў Полі прарасла
І шугае ў Неба Полымем Вясна