Омар Отаров - Солтан-Хамитни джыры
текст песни

(о революционере Солтан-Хамиде Калабекове, погибшем, заслонив собой С. М. Кирова)

музыка народная
стихи Кязима Мечиева

Солтан-Хамит тау къушуед,
Джаудан къоркъа билмеген.
Байла бла бийле элле
Ол джигитни сюймеген...

Кировха нёгер болгъанед
Джарлылагъа джараргъа.
Къара халкъгъа эркиниликни,
Эркинликни алыргъа...

Солтанхамит сёлешиучед
Киров бла олтуруб.
Солтанхамит къайтханды,
Алтын гулла толтуруб.

Душман огъу джыкъгъан эди
Аны тер басхан атдан.
Халкъ башчысы Киров анга
Джылагъанд ол сагъатда.

Киров джабханд ёлюгюне
Бек алгъа джамычыны.
Алтын гуллагъа салдыргъанд
Ёлюгюн ол батырны.

Солтанхамит болуучуед
Таулуланы батыры,
Кенг болсун, джумушакъ болсун
Аны джатхан къабыры...

Солтанхамит болуучуед
Таулуланы ашхысы.
Аны къарнаш этгенед
Киров – халкъны башчысы.

Джигит ёлсе, джигитлиги
Къалад халкъны ичинде.
Кязим да бу джырны андан
Этед сени юсюнгден.