Осетинская - Алолай
текст песни

Ло-ло, ло-ло, алолай!
Лæппу фынæй акæна.
Уæлæ хъæндил æруайы,
Йæ къахдзæфтæ нымайы,
Ацы хъæндил-хъæндилæг,
Йæ базыртæ – æрттиваг,
Йæ астæуыл – цыргъ хъама,
Йæ уæлæ та – цъæх цухъхъа.
– Кæдæм уайыс, хъæндилæг?
– Хохæй уайын быдырмæ!
– Цæмæй цæрыс быдыры?
– Сау кæндысæн йæ бынæй,
Урс кæндысæн йæ сæрæй!
– Цæргæ та дзы кæм кæныс?
– Айчы хусы мæ – хæдзар,
– Карды комыл – мæ фæндаг
– Судзины бын – мæ дуар.
– Цытæ хуыйнынц дæ фырттæ?
– Тинтæ æмæ Тыбылтæ.
– Цæмæй хъазынц дæ хуртæ?
– Тины хъазы фæрæтæй,
Ныццæвы йæ зæвæтæй.
Фæрæт арвмæ фæхауы,
Стъалытæ нызгъалы,
Арвы дуар ныссæтты.
Иухатт гомæй аззадис,
Иу сау бæх дзы ракастис,
– Чи йын быдта йæ къæдзил?
– Сырдон быдта, тых быдта,
– Уæд Мырдонæн цы загътай?
– Ратт мын, Сырдон дæ иу фат…
– Мæ иу фатæй цы кæныс?
– Ме знæгты дзы ныццæгъдон,
Дзæбидыр дзы æртулон,
Мæ хæлæртты æрхонон!
– Дард у хъæндил, дæ фæндаг,
Суадз уал махмæ дæ фæллад!
Раздæх уал нæм фысыммæ,
Ардæм рауай мæ хурмæ,
‘Мæ йын рахæсс хæрзфынтæ!
Мæнæ хъæндил æрхæццæ,
Цинæй дзаг у йæ зæрдæ,
Авдæн узы чысылæн,
Кадæг кæны мæ хурæн!