Полина да Юлия Калугинамыт - Такмак-влак
текст песни

Поро лийже салам лийже
Нӧлтшӧ кумылда лийже
Мемнан дене кушталташ
Лийза ямде йолташ-влак

Шочмо верым эн чеверым
Кажне еҥже йӧрата
Параньга гыч улына
Памашъялеш шочынна

Урем дене ошкылна гын
Ода керт те ойырен
Кӧ Юля кӧ Полина
Иктӱсан ме улына

Шӱшпык йӱкым памаш вӱдым
Коктын колышт кушкынна
Сайын мурена садлан
Совым кырыза коклан

Кажне каныш кече годым
Шочмо ялыш вашкена
Тушто шуко йолташна
Ваш келшалын илена

Ачайна ден авайнаже
Эр йӱд кас мемнам вучат
Мотор ӱдыр йолташ-влак
Толмылан пеш йывыртат

Сылне марий ӱдыр-шамыч
Ӱжына ме кушталташ
Муро вийым ешара
Ты сем ден чонда ыра

Молан таче сай игече
Кече шыратен онча
Таче рӱж погыненна
Шер теммешке канена

Кертына мурен ме ятыр
Кертына тавен эр-кас
Толын жап чеверласаш
Лийже йӧн со вашлияш