Радима Хаджимурадова - Нохчичоь
текст песни

Хазахетар дайша суна,
Со сайн махкахь яха юьтуш маьрша.
Новкъарло ма яйша суна
Ойланашца йийла лекха 1аьрша.
Припев:
Яллалц хьеста йитийша со,
Дайша ц1ийца лардина и лаьмнаш
Кхачор доцуш к1орда су сан
Махке безам буьйцу дешнийн 1аьмнаш.
II.
Х1ора бецан ц1арах х1уттур
Дара аса сайн ойланийн коча
Ешахь яха, ешахь яла
Хьанал дина са а орцах кхочу
Припев:
Деган кхерчахь г1еллур йоцу
Даймохк безаш безаман ц1е йогу
Мискал дукха шен мохк боцуш
Йоцу х1усам дахаран нур догуш
III.
Даима сан дагна кхача хилла
Лаьттина д1о лекха лаьмнаш
Уьш доцучохь б1аьрзе хилла
Дакъаделла дилхина сан б1аьргаш.
Припев:
Дас нанас хьан ц1е а йохуш
Жимчохь дуьйна марзйина Нохчийнчоь
Хьо йоцуш сан яха дезахь
Хаалахь д1атесни со сайн ирсо.