Ризавди Исмаилов - Сай безам
текст песни

I. Т1аьххьара дагара дийцина
1еначу б1аьрхишца соь хьоьжуш
Лекхачу лаьмнашкахь сай безам
Битина воьду со генна д1а
Воьду со аренаш хедаеш
Ламанийн ирхенаш эшаеш
Зезаго кхелинчу бацалахь
Безамах ойланаш лехьаеш ( 2 раза )

II. Т1улгашца 1еначу шовдано,
Зурманах декачу иллешка
Лерина тидам беш ладоьг1ча
Тарло и хьан озах езар сан
Сирла де бодано кхолийна
Дог1ано ламанаш т1адийча
Вай къаьсташ дилхинчу хьан б1аьргех
Тардо ас г1ийла сурт езар сан ( 2 раза )

III. Геналло хьоьх со хьегийна
Тем боцуш къона дог деттало
Безамна детта са кхачийна
Шу юьрта юха а вог1у со
Вог1у со аренаш хедаеш
Ламанийн ирхенаш эшаеш
Зезаго кхелинчу бацалахь
Безамах ойланаш лехьаеш ( 2 раза )