Роза Искакова - Кунам ломбо пеледеш
текст песни

Кунам ломбо пеледеш - Роза Искакова.
Мутшо - Геннадий Сабанцев-Оярын.
Семже - Валерий Кульшетовын.

Вученам кужун ту жапым,
Кунам ломбо пеледеш.
Кеч палем - йырваш юалгым
Тиде пагыт кондалеш.
А вет южшо ой, пеш тутло -
Вашла тӱкнышӧ ӱма!
Чоныштемже утыр-утыр
Ойлышаш мутем ума.

Семтаҥ:
Вучет гынже шокшын,
Лишыл, шерге чылажат.
Вашлийын у шошым,
Чолгаҥешыс кажныжат.
Шинчашке ончалын,
Шӱмын келгытшым ужат.
...Ах, ломбо пеледын -
Пуйто мыйын рвезе жап!

Ломбо гыч йога пеледыш -
Май кыдалне "лум лумеш".
Ала-кӧ шижде пелештыш:
"Тиде - пиална лӱмеш..."
Шошо йӱштылан ит сыре -
Ик-кок кече гыч йомеш.
Курымаш шӱм тулым сӧрӧ,
Кунам ломбо пеледеш.
Семтаҥ.