Роза Русакова - Олмапу пеледыш
текст песни

Олмапу пеледыш (Адакат олмапуна пеледын) - Роза Русакова.
Мутшо - Алексей Александров-Арсакын.
Семже - Василий Очетовын.

Адакат олмапуна пеледе,
Жап шуэш чеверга олмажат.
Мыйымат пеледалте маневе,
Пеледам мо – ом пале шкежат.

Пеледам гын, орлаҥгыжым кӱрлын
Ит кудалте, таҥем, йол йымак.
Вет пеледышым огыл, а шӱмым,
Мыйын шӱмым коштет арамак.

Лучо лывырге укшыжым налын,
Йӧратет гын, ончал шыманрак.
Мый тунам ала лийше пиалым,
Шижылтем ыле тӱрвыштемак.

Ушыш вес шонымаш огеш пуро,
Шӱм йодеш со йымен чытыраш.
Шӱм йодеш мураш ныжылге мурым,
Шӱм йодеш йӧраташ, йӧраташ.

Адакат омапуна пеледе,
Кӱйже ыле вашке олмажат.
Ӱдыр ӱмыр чонемым леведе,
Тол лишкем тый, йӧратыме жап.