Сапар Узденов - Осият
текст песни

Музыка и стихи Сапара Узденова.

Мен ёлсем да, разы боллукъ тюлме
Къуру бирчик,
Джангыз сабийчик
Ёсдюрген таулу анагъа.
Джашын-къызын,
Кеси джанын
Бедишлик этген атагъа.

Припев:
О нарт халкъым, сыйлы халкъым,
Тас этме ашхы адетлени,
Ёхтем халкъым, чемер халкъым,
Бурунча сакъла сен бетинги.

Мен ёлсем да разы боллукъ тюлме
Таулу тинни,
Ана тилни
Башхагъа джесир этгеннге,
Халкъы ючюн,
Бир зат этмей,
Тынчлыкълы ёлюб кетгеннге.

Припев.

Мен ёлсем да разы боллукъ тюлме
Абыннганны,
Къаны акъгъанны
Сан этмей озуб кетгеннге,
Къарачайгъа
Керек кюнде
Джууургъан тюбге киргеннге.

Припев.

Мен ёлсем да раз боллукъ тюлме
Сатлыкълагъа,
Сатлыкъ болуб
Халкъына сёгюм этгеннге,
Къабырлагъа,
Минги-Таугъа
Ёретин салам бергеннге.

Припев.