Сайсары уонна Амычча - Баар буол
текст песни

Айгыраабатар айгыр силик
Аар Айылҕа
Аргыый симик
айылгыгар
алгыһыҥ амтана
Арай айар айан куттаах -
Аан Ийэ Дойду
тосхотто бу оттомноох
номоҕон тойугу
Хотугу сүрэх тыына - Сахам Тыла,
хотоол хонуу хоһуйуум - кытыаннаах кытыла,
кууһан ылабын ыбылa,
алааһым кырдала,
элэс гынна элэҥнэс
ЭҺэм эмэх дала,
Туоллун!
Алҕаабыт Аҕабыт Таптала,
Суох буоллун!
баламат балыыр баттала
им балайа аччаан сандаар
Аламайа!
""Айа, - Айа! "" аччаатын!
кыыһырыы, кыраһыы, кыргыһыы кыччаатын,
Сибигинэйэбин ситини сибилигин силигилии
илиһиннэриллэ илигин
илиигин илиибэр илэ бигээммин сиһилии

Аламай Аал Уот - итиитигэр иитиллии
Күн Күбэй Хотун- сылааһыттан тиллии
ортотунан
оттомуран олор киһилии
киэҥ дуол , баар буол!
Эн бэрис билии

Утуйарбар, Уhуктарбар
Уйаммар, Уйулҕабар,
Көрөрбөр, Истэрбэр,
Күлэрбэр - Үөрэрбэр,
Кэрэни кэрэхсиирбэр,
Үтүөнү түстүүрбэр,
Илэ иhиллэр инчэҕэй тэбэр Сүрэхпэр,
Күн Сирин
Олохтooҕо,
Айылҕа Оҕото Оҥорбуккар
Олоҥхо Одун оллоонун
ойуулуу оттубуккар,
айан-таҥан таhаарбыккар,
манна бу аҕалбыккар,
Саха гыммыккар,
кылбайар кытыастар кытылбар,
Киhи Буоларбар,
Төлкөнү Туойарбар,
Төрүт Буорбар,
Дьоллуур Дьоhун Дьоҕурбар,
Мап - мааны Майгылаабыккар,
Тостубат Туруктаабыккар,
Ыллыырбар-Тыынарбар,
Алгыырбар, Таптыырбар,
Ымпыгар-чымпыгар,
Махтал Барытыгар!
Алтан Айаҕынан Амалыйар Аламай Аар Айыы Аҕабар
Ылбаҕай Ытыктабылым
Ырыатын Ымыыта Бааргар,
Халбарыйбат Хайҕалым,
Махталым манна Баарбар!

Аламай Аал Уот - итиитигэр иитиллии
Күн Күбэй Хотун- сылааһыттан тиллии
ортотунан
оттомуран олор киһилии
киэҥ дуол , баар буол!
Эн бэрис билии