Татьяна Денисова - Шонышо мый лийым
текст песни

Шонышо мый лийым - Татьяна Денисова.
Мутшо - Валентина Изилянован.
Семже - Вениамин Захаровын.

Шонышо мый лийым,
Вучышо мый лийым.
Корнывожыш лектын,
Тыйым кӧ вашлийын? ...
Кас мардеж тарватыш
Водын нӧлпӧ укшым.
Эртыме кышатым
Таче пургыж ӱштын.

Семтаҥ:
Ойлыметше кушто?
Сӧрыметше кушто?
Шӱмбелем, нигунамат
Корнына ок ушно.

Олыкна пеледе,
Толкыналтын кийыш.
Шӱлыкем леведын,
Саламетше мийыш.
Солышо мый лийым,
Погышат мый лийым.
Мут орлаҥге пуйто
Пуыш кӧргӧ вийым ...
Семтаҥ:

Ала эҥыж кӱмым,
Ала снеге кӱмым
Шарныктен, ош лумыш
Возеш йошкар ӱмыл.
Тодылалтше кумыл
Курымешлан огыл -
Шочмо мланде кӱдынь
Иктат шкетын огыл.
Семтаҥ: