Чевер кече ансамбль - Такмаки
текст песни

Такмаки (такмак-влак) - "Чевер кече" ансамбль.
Мутшым Вячеслав Осипов келыштарен.

Ведра пӱрым подылмеке,
Изиш вуйда аҥырга.
Мемнан мурым колыштмеке,
Йӧршын айыкланеда.

Пошкудем дек шинчал деке
Кӱсын араш мийышым.
Мане тудо: «Ыжал огыл –
Шинчалешем шукш налын».

Иномаркым налынат да
Мо, «крутой» улам, шонет?
Мемнан ялыш толын ончо –
«Крутой» улметым мондет.

Мыйын сай йолташын лӱмжо
«Д» буква ден тӱҥалеш.
Денис, Дима, Данил?
Уке, палыза, Дюрик, улеш.

Вич йолташем-влакын лӱмышт
«Б» буква ден, колыштса:
Болочка, Бладик, Балерка,
Биталёк ден Бориска.
Мыйже улам - Берочка.

Сериалым ончена,
Шкенан лӱмым мондена.
Пий – Луис, ушкал – Адель,
Ӱдыр лӱм – Марисабель.

Колюш кроссыш лектын витне,
Окшаклен, камвоч куржеш.
Сайын ончо, Оксинаже
Товар дене поктылеш.

Тау лийже, шоляши,
Тау лийже веҥаши,
Тау лийже йолташи,
Мемнан пытыш такмаки.

Палыметлан порым шонен,
Лук вашке мобильникет.
Такмаким тудлан муралте,
Тек вара мален ок керт.