Валерий Шамов - Весела такмак-влак
текст песни

Весела такмак-влак Валерий Шамов.
Мутшо ден семже Валерий Шамовын.

Кужу корным каенам,
Тендан деке вашкенам,
Тиде мурем мурем, шоненам.
Поро кумылда лийже,
Сае мутдажат лийже,
Уло марий калыклан салам лийже.

Памаш деке волышым,
Тамле вӱшдым подыльым,
Ший оксам пыштен кодышым.
Тендан ялышке тольым,
Йолташем-влакем ужым,
Тиде мурем мурен кодышым.

Олыкышко волышым,
Пеледышым погышым,
Йолташемлан пӧлеклем, шонышым.
Тендан ялышке тольым,
Уремже ден ошкыльым,
Йолташемым вашлиям, шонышым.

Ал пеледыш пеледеш,
Олык мучко ӱпшалтеш,
Изи лыве пеледышым шупшалеш.
Семже почеш мурем,
Изиш йомеш йӱкем,
Тыланда лийже тиде мурем.

Шошо толмо годым,
Шӱшпык мурмо годым,
Пеледалтын мыйын садерем.
Молан от лек, йолташем,
Сыренат мо мыланем,
Ал чуриян йошкар роза пеледышем?

Лийже эре куэрем,
Лийже эре ломберем,
Лийже эре марий калыкем.
Лийже эре авием,
Лийже эре ачием,
Лийже эре йӧратыме йолташем.

Ломбо пеледеш,
Ломбо пеледеш,
Урем мучко ӱпшалтеш.
Марий ӱдыр
Мурен колта,
Ялна мучко шергылтеш.

Кушто изи шӱдырем,
Молан ок кой шинчамлан,
Ала тудым шем пылже петыралын?
Кушто мыйын йолташем,
Молан ок тол воктекем,
Ала тудо еҥ шомаклан ӱшаналын.

Яндар йогын ший вӱдшӧ
Ший коллан лийже,
Яндар йӱкан шӱшпыклан - садер лийже.
Тиде мурем мурем,
Таум ыштен кодем,
Эре тендан суртыштыда пиал лийже.

Семже почеш мурышым,
Семже почеш чӱчкышым,
Шке йорга койшемым ончыктышым.
Ынде каен колтем,
Йомеш мыйын йӱкем,
Тиде такмак-влакем мурен пытарышым.