Валерий Тихонов - Лиеш мо ли...
текст песни

Лиеш мо ли?(такмак-влак) - Валерий Тихонов.
Мутшо калыкын.
Семжым Валерий Тихонов келыштарен.

Лиеш моли муралташ,
Лиеш моли кушталташ?
Лиеш моли таче тыште
Марий койышым ончыкташ?

Айста, ӱдыр-эрге-влак,
Муралтен кушталтена.
Муралтена, кушталтена,
Семже ден тавалтена.

Шыйык-шойык шӱшкалтем да,
Йорга мурым муралтем.
Йорга мурым муралтем да,
Йолташемым савырем.

Олыкышто пеледышым,
Айда, пырля погена.
Тыят ӱдыр, мыят каче,
Айда, келшаш тӱҥална.

Кӱшкӧ, курык вуйышкыжо,
Куржын кӱзымет шуеш.
Ох, йолташем, тый денетше
Эре келшымет шуеш.

Ончалам да: кӧм гына,
Шыргыжальым гына.
Ончалат гын, шыргыжат гын -
Лият мыланем гына.

Мӧр аркан ал саскаже,
Изи шӱдыр гай коеш.
Йӧраталме шӱмбелемже,
Мӧр саска гай вел коеш.

Мӧр саскаже тый улат гын,
Лышташыже мый улам.
Изи чоным йӱлалтыше
Йолташетше мый улам.

Ошо лийже,
Ӧржан пеледыш лийже,
Чылан келшыме таҥемже.
Эре пеленем лийже.

Муро рвезет годым,
Кушто рвезет годым.
Ончал колто, воштыл колто
Чонет рвезыж годым.

Сита ынде мурышым,
Сита ынде куштышым.
Йолташ-влак, ида сыре,
Изиш йоргаланышым.