Варя Аманатова - Айан киьитэ
текст песни

Күн саҕахха киириитэ
Сөрүүн түһүүтэ
Алаас сиккиэр сугуна
Арыый ааһыыта
Арҕаа аартык диэккиттэн
Айан суолунан
Ахсым акка олорон
Киһи иһэрэ
Кырдьа барбыт эр киһи
Кылгас да кэмҥэ
Кырыктыйбыт чанчыга
Кыыһан көстөрө
Кини уоттаах хараҕа
Өһөн эрэрэ
Кини эрдээх сүрэҕэ
Тойук туойара
Тойук улам улаатан
Улам күүһүрэн
Эдэр эрдик санаабыт
Эрбээн киирбитэ
Ааспыт олох аһыытын
Санаабаттыгын
Ытыы-соҥуу иэйбитин
Мин истибитим
Ким билиэй ханна киһи
Кэлэн ааспытын
Туох билиэй ханна тиийэн
Дьолун булбутун
Илин аартык суолунан
Айан киһитэ
Санньыар тойук аргыстаах
Тахсан барбыта