Влад Николаев - Илыш корно
текст песни

Илыш корно - Влад Николаев (Владислав Николаев).
Мутшо ден семже - Владислав Николаевын.

Йӱдшӧ-кече шоненам,
Эн чевер саскам кӱрлам.
Но мотор шонымашем
Сусыртен лач шӱм-чонем.
Мо амал ден пӱрымаш
Тыланен мылам палаш?
Мӧр гай чевер чуриет,
Шылтыш тыйын чын тӱсет.

Семтаҥ:
Молан илыш корно йыжыҥан,
Кӧлан шӱмым почын пуыман?
Молан пӱрымашым лончылман,
Кӧлан чон муремым мурыман?

Вет ойленыт мыланем,
Йолташем-влак сугыньлен:
"Садыште шукшан олма
Ончылгочак чеверга."
Мый вашеш воштылынам:
"Эн чевержым кӱрлынам."
Пелашлан тыгай олмам
Ойырен мо налынам?
Семтаҥ.

Илыш - чоным умлымаш.
Мом кӱлеш мылам ышташ?
Ала еҥлан ӱшанаш,
Ала шӱмым колышташ?
Пӱрымаш, ах, пӱрымаш,
Ок лий мо нимом ышташ?
Кӱрлын эн чевер саскам,
Монденам мый чон ласкам.
Семтаҥ.