Вольны Хор - Zorachki
текст песни

Дні прыходзяць, дні адходзяць, дні лятуць,
Быццам рэк бурлівых хвалі ўдаль плывуць.
Трэці год як на выгнанні ў чужыне
Трэба мучыцца душой і сэрцам мне.
Уночы зорачкі прыветліва мігцяць,
Быццам з неба на мяне яны глядзяць...
Што чуваць, скажыце, зорачкі, вы мне
У маёй роднай ды далёкай старане?
Беларускай песні роднае пад тон
Зааром мы і засеем свой загон.
Беларускі гімн свой смела запяём,
З новай верай, з новай сілай зажывём!
Уночы будзем мы на зоркі паглядаць,
Што, як сёння, будуць у небе зіхатаць... —
Занясіце ж вы, пакуль не бліснуў свет,
Зоркі мілыя, бацькам маім прывет!