Saas Ustar уонна Ника - Мин тапталым кистэлэнэ
текст песни

Күнтэн күн эн эрэ аатын мин уоспар,
Эн эрэ аттыбар бааргына сүрэҕим уоскуйар.
Олоҕум эриэннэрин эйиигин кытта
туоруом этэ тиийиэм этэ мин ол кытылбар.
анал бу дойдуга туойарга угуйар
оргууй кут умайар, кута уот умайар
куотума, ыраатыма, атыны ааттаама
хараҥа быатын быhан ис, харыстаама.
бастаан күндү сөкүүндэ, онтон үйэ
тапталы күннээҕи олох сүүйэр, күтүйэр
бэринимэ, сыhыаны сыыhа аайы ыытыма
күндү киhим эн эрэ күн миэхэ түстүн

Олоҕум ыраас суолун
күн буолан сырдатыаҕым,
хоргуттар күннэргэр ардах буолан ытыаҕым
аналбын көрдүүрбүн, харахтарбар көрдөргүн,
тапталбын таайдаргын, ытыам суоҕа этэ мин

мин сүрэҕим, кыракый сүрэҕин
тугу кистиирин, кистиигин
таайбаккын эн...

Көрдүм эн хараххар ааспыт олоҕу,
онно мин өрүү буоларын курдук соҕотоҕун сылдьарым
сыллар аастылар, билигин
миэхэ сылаас, оргууй даҕайабын эн илиигин
андаҕай миэхэ,мин күрэнэр да күммэр,
баҕар да түүммэр, кубулуйар мин түүлбэр
дьолу эйиэхэ бэлэхтиир мин ырыам.
ыраатар күммэр эн аттыгар мин ырыабынан
өрүү баарбын,
соҕотох тапталбар уунабын,
умнума, эйиигиннин мин уларыйдым
айдым кинигэ, киинэм, кэнсиэр,
ити таах, арай эн эрэ аатын миэхэ өрүү суолталаах
арый ааны, миэхэ саҥар аны аан дойду,
эн аттыгар эмиэ мин манньыйаммын утуйдум,
кууйдум сүрэх баҕарарын, сүhүөҕүн
Тапталым таҥаратыгар үҥүөҕүм!

Олоҕум ыраас суолун
күн буолан сырдатыаҕым,
хоргуттар күннэргэр ардах буолан ытыаҕым
аналбын көрдүүрбүн, харахтарбар көрдөргүн,
тапталбын таайдаргын, ытыам суоҕа этэ мин