Sanju Mohanty - Joranda Mela
текст песни

ଝାଡ ଜଳେ ଶୂନ୍ୟ ମନ୍ଦିରେ ବୋଲେ ହୁଁଟି
ସହସ୍ର ଦୀପର ଶିଖାରେ ବୋଲେ ହୁଁଟି
ଶାନ୍ତି ର ବାରତା ଦିଅଇ ବୋଲେ ହୁଁଟି
ସମ୍ପ୍ରିତିର କଥା କୁହଇ ବୋଲେ ହୁଁଟି
ମହିମା ଅଲେଖ ମହିମା
ନିଜେ ସେ ନିଜର ଉପମା
ଶୂନ୍ୟ ରେ ଶୂନ୍ୟ ର ସୁଷମା ବୋଲେ ହୁଁଟି
ଉଛୁଳଇ ମାଘ ପୂର୍ଣ୍ଣିମା ବୋଲେ ହୁଁଟି

ସେତ ଢେଙ୍କାନାଳ ଜିଲ୍ଲାରେ ବୋଲେ ହୁଁଟି
ଗାଁ ଟି ଯୋରନ୍ଦା ନାମରେ ବୋଲେ ହୁଁଟି
ମହିମା ମନ୍ଦିର ଅଛିଟି ବୋଲେ ହୁଁଟି
ପ୍ରତିମା ନାହାଁନ୍ତି ଶୂନ୍ୟ ଟି ବୋଲେ ହୁଁଟି
ମହିମା ଗୋସାଇଁ ସେଇଠି
ଶୂନରେ ଉଭେଇ ଗଲେଟି
ତାଙ୍କରି ମହିମା ଗାଏଟି ବୋଲେ ହୁଁଟି
ମାଘରେ ଯୋରନ୍ଦା ମେଳାଟି ବୋଲେ ହୁଁଟି

ଶୋଳ କଳାରେ ପୂର୍ଣ୍ଣ ବ୍ରହ୍ମ ବୋଲେ ହୁଁଟି
ଶୂନ୍ୟ ସ୍ବରୂପ ଶୂନ୍ୟ ବ୍ରହ୍ମ ବୋଲେ ହୁଁଟି
ମହିମା ରୂପରେ ପ୍ରକାଶ ବୋଲେ ହୁଁଟି
ଅଜୋନୀ ସମ୍ଭୁତା ପୁରୁଷ ବୋଲେ ହୁଁଟି
ମହାତ୍ମା ମହିମା ଗୋସାଇଁ
ଉଜ୍ବଳ ଜ୍ୟୋତି ପ୍ରକାଶଇ
ଶୂନ୍ୟ ରୁ ଉଭା ହେଲେ ଆସି ବୋଲେ ହୁଁଟି
ତିମୀର ତମସା କୁ ନାଶି ବୋଲେ ହୁଁଟି

ଅଜ୍ଞାନ ଅନ୍ଧକାର ଘୋର ବୋଲେ ହୁଁଟି
ଧର୍ମ ନାମରେ କୁସ°ସ୍କାର ବୋଲେ ହୁଁଟି
ପ୍ରତିମା ପୂଜା ଆଡମ୍ବର ବୋଲେ ହୁଁଟି
ସ୍ବାର୍ଥ ପାଇଁକି ଉପଚାର ବୋଲେ ହୁଁଟି
ଚିନ୍ତାରେ ମହିମା ଗୋସାଇଁ
ଉପାୟ କଲେ ମୁକ୍ତି ପାଇଁ
ମହିମା ଧର୍ମ ପ୍ରଚାରିଲେ ବୋଲେ ହୁଁଟି
ଶୂନ୍ୟ ପୂଜାରେ ଧ୍ୟାନ ଦେଲେ ବୋଲେ ହୁଁଟି

କନ୍ଧ ବାଳକ ଅନ୍ଧ ଜଣେ ବୋଲେ ହୁଁଟି
ଗାଈ ଚରାଏ ଘୋର ବନେ ବୋଲେ ହୁଁଟି
ହାତେ ଅଣ୍ଡାଳି ଚାଲେ ବାଟ ବୋଲେ ହୁଁଟି
ଜୀବନେ ତାର ଭାରି କଷ୍ଟ ବୋଲେ ହୁଁଟି
ବଣରେ ଏକ କୂଅ ଥିଲା
ବାଳକ ତହିଁ ପଡିଗଲା
ଉଧାର ବୋଲି ଡାକ ଦେଲା ବୋଲେ ହୁଁଟି
ଆଖିରୁ ଲୁହ ଝରୁଥିଲା ବୋଲେ ହୁଁଟି

ମହିମା ସ୍ବାମୀ କାହିଁ ଥିଲେ ବୋଲେ ହୁଁଟି
ଶିଶୁ ର ଡାକ ସେ ଶୁଣିଲେ ବୋଲେ ହୁଁଟି
ନିମିଷେ ଆସି ସାହା ହେଲେ ବୋଲେ ହୁଁଟି
କୂଅରୁ ତାକୁ ଉଧାରିଲେ ବୋଲେ ହୁଁଟି
ବାଳକ ସେତ ଭୀମ ଭୋଇ
ମହିମା ମହିମା ନାମ ଧ୍ୟାଇ
ମହିମା ଧର୍ମ ଦୀକ୍ଷା ନେଲେ ବୋଲେ ହୁଁଟି
ଧର୍ମର ଗାଥା ପ୍ରସାରିଲେ ବୋଲେ ହୁଁଟି

ଅନ୍ଧ ହୋଇ ଭୀମ ବୁଝନ୍ତି ବୋଲେ ହୁଁଟି
ଜଗତର ଦୁଃଖ ଅଶାନ୍ତି ବୋଲେ ହୁଁଟି
ଦିବ୍ୟ ଲୋଚନେ ଯା ଦେଖନ୍ତି ବୋଲେ ହୁଁଟି
ସ୍ତୁତି ଚିନ୍ତାମଣି ଲେଖନ୍ତି ବୋଲେ ହୁଁଟି
ପ୍ରାଣୀ ମାନଙ୍କର ଆରତ
ଦୁଃଖ ଅଶାନ୍ତି ଅପ୍ରମିତ
ଅଶେଷ ଯନ୍ତ୍ରଣା ସବୁଠି ବୋଲେ ହୁଁଟି
ଉଛୁଳେ ଲୁହର ନଈଟି ବୋଲେ ହୁଁଟି

ଅସୀମ କବି ଙ୍କ ସାଧĝ