Дахир Созаруков - Ийнарла
текст песни

Къарачай Къобан къобханды дейле,
Ма ташны, тауну къаралтыб.
Бир бир-эки инар айтайым, тенгле,
Джаш джюреклени таралтыб.

Къызла джашланы бир бек сюелле,
Огъесе менми шашама.
Къаракъаш ариу, туурамдан къараб,
Джюрек джаууму ашама.

Терек башында алмачыкъ болсанг,
Сени чайнамай джутарем.
Ах, атанг, ананг сени берселе,
Къол аязымда тутарем.

Сюймеклик отда кюеме, ариу,
Отунла отда кюйгенча.
Сени кемсиз бир бек сюеме
Дахир Зухраны сюйгенча.

Терезелени ары ачыгъыз,
Бир ариу аяз урады.
Сюймеклик ауруу къатымы сакълаб,
Джанынгы бер деб турады.

Сени амалтын ёледи дегиз
Менден хапарла соргъаннга.
болуб нени излегин
Джаш джюрегинге дарманнга.

Джолда джюрюсенг, ариу джюрюйсе,
Эки джанынга чайкъалыб.
Ма бизни юйледе тойла этсинле,
Сен ариучукъну мен алыб.

Мени къолумда къол джаулукъчугъунг,
Чырмай да бура турама.
Сизни юйюгюзге кире баллыкъма,
Кюеулери бола, уяла.

Эшик аллында къара тауукъчукъ.
Къара тауукъну къуш алсын.
Мени джаууму сюйгени болуб,
Атагъа, анагъа ышансын.

Сени сюеме, сени аллыкъма,
Тутдурчу бери къолунгу.
Джрыкъ джулдузчукъ сюйгени болгъан
Менден насыблы болурму?

Эшик аллында къайин терекле,
Чапракъларында баллары.
Сюйген джашланы, сюйген къызланы
Биргелей чыкъсын джашлары.

Инарларымы айтыб бошадым,
Ма джаш джюрегим чыдамай.
Атымы айта турурса, ариу,
Бюгюнден ары унутмай.