Zamballarana - TRAMONI
текст песни

O Diu sì grandi
È tù musa gentile
Pregu in quest'oggi
Di venir a sentire
Acciò che riconti al mondo
Quali sò li mio martiri
L'annata novantaquattru
Principiò le mie ruvine
Eo son Tramoni
Banditu à la svintura
Cusì zitellu
Tengu tanta sciagura
Li nimichi è la culonna
M'ani fattu la scugnura
È par mè tutti li ghjorna
Aparta hè la sipultura
O trista sorti
Di mè lu disgraziatu
Quantu era megliu
Ch'eu ùn fussi mai natu
Quantu mi pare un tortu
Di truvammi in questu statu
Senza avè tiratu un colpu
Di centu sonu imputatu
O trista sorti
Mi sentu strughja u cori
Ma quantu volti
Scontru li campagnoli
Chì princìpiani à cantani
Pà calmà lu me dulori
Ed eiu cantu in cumpagnia
Lamenti è versi d'amori
Cusì cantendu
Mi par d'essa felici
Senza timeri
Giandarmi nè numichi
Nun mi credu più banditu
Mi pari d'essa in Parigi
Mi mettu una mani in pettu
È sentu lu cor chì dici
O cara madre
Pienghji lu to fiddolu
In quistu mondu
Ribaldinatu è solu
L'ani pruibitu à Sarteni
È lu Vangonu d'Urtolu
I rimirgu da luntanu
È mi pari un mondu novu