Илья Жирков - Курулэс кургуем куннэргэ
текст песни

Күрүлэс күргүөм күннэргэ -
Күндэл дьэргэл мичээргэ
Көтөр дьырылас ырыатыгар,
Көмүс долгун алааспар
Көрүлүү көтө дайбакка,
Көҥүл тыына туойбакка,
Балаҕаҥҥа сыттамый,
Балаадыйан хаалламый?

Сайаҕас салгын баалыгар
Сайдам мүөттэй дыргылыгар
Бигэнэ уста сылдьарбын,
Биэрэҥ эрдэ дайбыырбын,
Алаас симэҕэр үөскээммин,
Арыы чээл күөх кэлэммин
Алыс даҕаны таптыыбын,
Аралдьытар буолбаппын.

Аны аҕыйах ыйынан,
Араалаһа бааралаан,
Артыалынан күргүөмнээн,
Алардаһан сиэттиһэн,
Бастыҥ хотуур үгэтигэр —
Майдаан-айдаан дьаарбаҥар,
Хоруйа охсо киириэхпит,
Хоһоон ырыа тэнитиэхпит.