Иван Орзаев - Ачай, авай
текст песни

Тый окнашке ончет,
Ала мом гын шонет.
Ныжылге чурийышкет,
Шинчавӱд йогалеш.
Шӱм-чон йӧсӧ ойгет
Юмылан каласет,
Тудо веле пала,
Молан тый ойгырет.

Ит ойгыро, ачай,
Ит ойгыро, авай,
Ме ынде изи огынал.
Йоча годсо жапнам,
Ой, ок лий пӧртылташ.
Мом юмо пӱрен от шӱкал.
От шӱкал.

Жап вашке эртымек,
Ме адак пӧртылына.
Куанен вашлийме,
Илышнам аклена.
Ок лияк ойырлаш,
Ме пырляк лийына.
Илышдам, омыдам
Юмо тек арала.

Тый окнашке ончет,
Тора корным шымлет.
Эрденат-кастенат,
Йоча-влакет вучет.
Уло шӱм-чонет ден
Юмылан кумалат.
Да чыла икшывет
Тые вет сугыньлет.