Сайдаш Монгуш - Чадаанамга
текст песни

Чаптанчыымдан ойнап өскен Чадаанамны
Чалыы үем, авам-ачам сакты бээр мен
Чону ээлдек, холу чемсиг, сорулгалыг
Чоргаар болгаш үнү өткут төрел чонум!

Чечектелген черим-чуртум -
Чолдуг орук айтып берген Чадаанам сен!

Арбын чону төөгү шагдан алдаржыткан
Аас-кежиин ажы-төлге бараалгаткан
Даа кожуннуң мөгелери, шеверлери
Тывавыстың оглу, кызы алдыннар-дыр!

Чечектелген черим-чуртум -
Чолдуг орук айтып берген Чадаанам сен!

Хөөмейи, каргыраазы, сыгыды-даа
Хомузунуң уян чылыг аялгазы
Чүрээм долу сиңген болгаш хөрээм хостуг
Чаңгы ышкаш сеткил ырым бараалгаттым!

Чечектелген черим чуртум
Чолдуг орук айтып берген Чадаанам сен!