Шура Татаринова - Хомус тыаhа-ырыа буолан
текст песни

Хомус тыаһа номох буолан
Олоңхоҕо дьону муста
Дьоһун мааны тойук буолан
Дуораһыйда, дьолу туойда.

Хомус тыаһа кэҕэ буолан
Кэпсэтистэ күөрэгэйдиин
Ыраас нарын ырыа буолан
Намылыйда салгын устун.

Хомус тыаһа иэйии буолан
Имэңирдэ эймэһийэ
Эдэр сааһым итии тыына
Эргилиннэ сааскы киэһэ.

Хомус тыаһа алгыс буолан
Арыйыста айыы суолун,
Ахсыс халлаан аанын аьан
Айхаллаата айыы дьонун.

Хомус тыаһа сэһэн буолан
Сэһэргээтэ сиэдэрэйдээн,
Ийэ сирим кэлэр кэмин
Кэскиллэрин кэрэһилээн.

Хомус тыаһа алгыс буолан
Арыйыста айыы суолун,
Ахсыс халлаан аанын аьан
Айхаллаата айыы дьонун.

Хомус тыаһа ыра буолан
Ыңыртаата ыраах сиргэ
Барҕараар санаам туолан
Сайда туруох, Сахам Сирэ!