Karg - Malstrom
текст песни

Es Leben schreib‘ G’schichten, so guad wia jeden Tog a neie.
wia soits a ondas sei, de Zeit ko sie kaum rückwärts drahn.
Und so ergib‘ sies, dass I Johre spada wieda nebn dem Fluss sitz,
eam zuaschau wiara vorbeifliaßt, zuaschau wias sche longsam wieda Herbst wird...

Vorbei an de letzten Häuser, auffi zu de Wiesen im Woid.
jeden Tog passiert sovü, I wü üwaroi und nirgends sei.
I suach üwaroi noch mir und ko mi doch ned finden,
wia jeden vorherigen Tog, I verlier mi im Moment.

Es Leben z’reisst mi & fügt mi wieda zom zua söben Zeit.
I ko nimma schlofn, I bin so rastlos wia da Fluss.
A Stund alloa is nix, doch aus Stund wernd gonz schnö Joa.
de Erinnerungen scho längst vergrabn, oba do wirkt ois zeitlos...

Summa, Herbst, wos a is, es vageht.
losst mi zerst trama und donn oba schnö wieda falln.
Alloa jetzt wieda do z’sei und jeda weidare Schluck vo dem Wein,
losst mi wia da Wind de Wälda, tonzen , und de Wöt versinkt in da Nocht.

Togsüber bin i ned dasöbe, jeda Schritt ois gangat I im Treibsand.
a Sog so stoak wia da ärgste Sturm, I ko mi nimma hoitn.
Wonn I vo dem Leben gnuag hob, donn loss I’s des is gwiss,
loss mi vom Malstrom owiziagt, bis zum Grund!

Da Malstrom ziagt mi owi, bis aufn Grund!!!

I schmeiß des Leben weg, soboid‘s verbraucht is,
ka Angst mehr vo irgendwem oder irgendwos.
Hoit so long wies geht de Luft o und moch den Augn zua,
und da Malstrom ziagt mi owi, bis aufn Grund!