Генадий Тимеряев - Кече шинчеш, кас лиеш
текст песни

Кече шинчеш, кас лиеш - Генадий Тимеряев.
Мутшо ден семже Генадий Тимеряевын.

Шӱшпык толын шӱшкалешат,
Нӧлтеш мыйын кумылем.
Кукун мурмыжым коламат,
Ала тый вучет, шонем.

Семтаҥ:
Кече шинчеш, кас лишемеш,
Таҥем дек чонем ӱжеш,
Ошкылам пиалем вашеш,
Тыйым пеш ужмем шуэш.

Ушыштем шомакем пӧрдеш,
Тылат ойлышаш мутем.
Шыматалме мут аршашеш
Ала тый шулет, шонем.
Семтаҥ.

Мурым мурем, мутшым возем,
Тылат пӧлеклаш вашкем.
Тораште муралме йӱкем
Ала тый колат, шонем.
Семтаҥ.

Эр лиймешке тыйым шонем,
Шып шинчамым кумалтем.
Адакат омешем ужнем,
Ала тый кончет, шонем.
Семтаҥ.

Лийыч мыланем, шӱмбелем,
Чонлан келшыше таҥем.
Шӱмыштем йӱлалше тулем
Ала ок йӧрӧ, шонем.
Семтаҥ.