Roberto Murolo - Maria Mari
текст песни

Aràpete fenesta!
Famm'affaccià a Maria,
ca stongo mmiez' 'a via...
speruto p''a vedè.

Nun trovo n'ora 'e pace;
'a nott' 'a faccio juorno
sempe pe stà ccà attuorno,
speranno 'e ce parlà!

Oj Marì, oj Marì,
quanta suonno aggio perzo pe' te!
Famm' addurmì,
abbracciato nu poco cu te!
Oj Marì, oj Marì!
Quanta suonno ca perdo pe' te!
Famm' addurmì...
Oj Marì, oj Marì!

Mmiez'a stu ciardeniello,
Nce ride 'a malvarosa,
Nu lietto 'e fronn' 'e rosa
aggiu fatto pe' te...

Viene ca 'a notte è ddoce,
'o cielo ch'è nu manto...
Tu duorme e io te canto
'a nonna affianco a te...

Oj Marì, oj Marì,
quanta suonno aggio perzo pe' te!
Famme addurmì,
abbracciato nu poco cu te!
Oj Marì, oj Marì!
Quanta suonno ca perdo pe' te!
Famme addurmì...
oje Marì, oje Marì!