Ruskei neicyt, valgei neicyt - Сегозерский народный хор
текст песни

Ruskei neičyt, valgei neičyt

Ruskei neičyt, valgei neičyt,
sano sinä, sano sinä,
Konzubo meile gost’at tullah,
gost’at tullah.
– Mustupiä piätenčän, piätenčän,
minun velli suovattan, suovattan,
minun miiloi pyhänpiän, pyhänpiän.

Ruskei neičyt, valgei neičyt,
sano sinä, sano sinä,
midäbo heile syötetäh, syötetäh.
– Mustal piäl leibiä da leibiä,
minun vellel kalittua, kalittua,
minun miiloil piiruadu, piiruadu.

Ruskei neičyt, valgei neičyt,
sano sinä, sano sinä,
midäbo heile juotetah, juotetah.
– Mustal piäl čuajuu da čuajuu,
minun vellel koufiedu, koufiedu,
minun miiloil piivuo da piivuo.

Ruskei neičyt, valgei neičyt,
sano sinä, sano sinä,
Kunnebo heidy muate pannah,
muate pannah?
– Mustupiä pertih da pertih,
minun velli gorniččah, gorniččah,
minun miiloi čardakkah, čardakkah.

Ruskei neičyt, valgei neičyt,
sano sinä, sano sinä,
Midäbo heile al pannah, al pannah.
– Mustal piäl posteli, posteli,
minun vellel perinät, perinät,
minun miiloil puuhovoi, puuhovoi.

Ruskei neičyt, valgei neičyt,
sano sinä, sano sinä,
Midäbo heile kattiekse, kattiekse.
– Mustal piäl vuattua da vuattua,
minun vellel od’d’ualu, od’d’ualu,
minun miiloil barhattua, barhattua.

Ruskei neičyt, valgei neičyt,
sano sinä, sano sinä,
Kedäbo heile rinnale, rinnale.
– Mustal piäl ‒ Muarju da Muarju,
minun vellel ‒ Duarju da Duarju,
minun miiloil ‒ iččeni, iččeni.