TUNALQAN feat. Дьулустаан Никифоров - Саха тыына
текст песни

Таас хайа анныгар
Олбоххо олорон
Инники олохпун
Ырытан ылабын

Айылҕалыын алтыһан
Сэниэ күүс эбинэн
Сүрэҕим долгуйар
Сүргэбин көтөҕөр

Халлааҥҥа хотугу
Сулуһу батыһа
Мин ыра санаабын
Ырыанан тиэрдэбин

Айыы аймах эстибэтин туһугар
Ийэ тылбыт суппэтин туһугар
Үрдүкү күүстэрбиттэн
Үҥэн сүктэн эрэбин

Хомус дьиэрэйэр тыаһа
Сүһүөхтэрбинэн киирэр
Сүрэх тэбиитин күүһүрдэн
Саҥалыы тыыны иҥэрэр

Саха саҥата иһиллиэ
Аҕаттан оҕоҕо бэриллиэ
Тылбыт нөҥүө тэнийиэ
Уҥуордуо үйэлэри

Тоҕус халлааны курдары
Ырыабытынан дайабыт
Олоҥхоҕо олорсон
Саха тыынынан сайабыт

Айыы аймах эстибэтин туһугар
Ийэ тылбыт суппэтин туһугар
Үрдүкү күүстэрбиттэн
Үҥэн сүктэн эрэбин

Саха диэн - мэҥэ аат
Саха диэн - сэдэх аат
Сахаттан арахпат суох буолбат
Саха диэн - сүдү аат
Саха диэн - күндү аат
Бу сиргэ хаһан да сууллубат

Сахаҥ аатын өрө тут!
Киэҥ тутун туругурт

Айыы аймах эстибэтин туһугар
Ийэ тылбыт суппэтин туһугар
Үрдүкү күүстэрбиттэн
Үҥэн сүктэн эрдэҕим